Tërmeti në Shqipëri/ Presidenti Meta vizitë në Shtabin e Emergjencës në stadiumin e Durrësit

Presidenti i Republikës qysh në orët e para pas termetit të fuqishëm që goditi Shqipërinë ka qenë në terren duke ndjekur situatën nga afër.

Me një shënim në faqen e tij në facebook ai publikon edhe vizitën e tij në Shtabin e Emergjencës në stadiumin e Durrësit.

Ja njoftimi i plotë:

Sapo vizitova Shtabin e Emergjencës në stadiumin e Durrësit dhe takova shumë familjarë që s’mund të strehohen më në shtëpitë e tyre!
Pasojat e tërmetit në Durrës janë dramatike dhe kërkojnë organizim të jashtëzakonshëm, jo vetëm shtetëror, por mbarëqytetar!Ndaj duke falenderuar institucionet për punën e tyre u apeloj të gjithë sipërmarrësve dhe qytetarëve që mund të ndihmojnë sadopak, të kontribuojnë që mijëra familje të tejkalojnë këtë moment dramatik.