Shkarkimi i Bashës, ja sa firma i duhen Topallit e Imamit nga Këshilli Kombëtar

Politikë E Hënë, 24 Maj 2021 13:59

Në një konferncë për mediat, e dy prej ikonave të PD-së, ka ngjallur reagime të forta edhe në rradhët e vetë partisë. Deklarata e ish-kryeparlamentares Jozefina Topalli dhe ish-ministrit Arben Imami, të lënë jashtë listës të kreut Lulzim Basha, se listat janë hartuar kundër statutit të PD-së, ka hapur një debat tek demokratët dhe tek ajo që pritet të ndodh me mbledhjen e Këshillit Kombëtar.

Topalli dhe Imami, kanë kërkuar mbledhjen e forumeve për shkarkimin e Lulzim Bashës. Nëse kjo kërkesë e dy deputetëve që janë me mandat ende në shtator, kërkon që procedura të ndiqet ligjërisht.

Referuar statutit të PD, neni 35, pika 4 ku flitet për kompetencat e Kuvendit Kombëtar parashikohet se “vendos për shkarkimin e Kryetarit të Partisë mbi bazën e një mocioni mosbesimi të miratuar nga më shumë se gjysma e anëtarëve të Këshillit Kombëtar”.

Këshilli Kombëtar nga ana e tij ka 270 anëtarë dhe do të duhet firma e gjysmës prej tyre, pra 136 anëtarë, për të hartuar mocionin, i cili më pas do ti shkojë bazës së partisë për shkarkimin e Lulzim Bashës.