Të mbijetuarit e Chapecoense ngritën kupën në nder të viktimave

Anëtarët e klubit futbollistik Chapecoense nga Brazili të cilët mbijetuan në tragjedinë ajrore e cila ndodhi dy muaj më parë në të cilën vdiqën 19 anëtarë të klubit, ngritën kupën e fituesit të “Copa Sudamericana”, në shenjë përkujtimi për kolegët e tyre të vdekur, raporton Anadolu Agency.

Momenti emocional dhe i paharrueshëm ndodhi të shtunën para fillimit të ndeshjes së ekipit të rinovuar Chapecoense, që njëherësh ishte ndeshja e parë e klubit që prej tragjedisë së 28 nëntorit të vitit të kaluar.

Mbrojtësi Neto u përkul para 20.000 tifozëve të cilët kishin blerë të gjitha biletat e stadiumit. Ai ngriti kupën, së bashku me dy lojtarë të tjerë që i mbijetuan aksidentit, portierin Jackson Follmann dhe anësorin Alan Ruschel.

Chapecoenset ju dha kupa në shenjë përkrahjeje nga klubi kolumbian Atletico Nacionala me të cilin duhej të takohet në finalen e Copa Sudamericane.

Familjarëve të viktimave iu ndanë medaljet fituese, ndërsa gazetarit Rafael Henzel, i cili gjithashtu mbijetoi në fatkeqësinë ajrore iu dha nderi të fillojë miqësoren kundër Palmeiras.