Zgjedhjet në PS, Rama sulmon: Qentë le të lehin, karvani ecën përpara

“Qentë le të lehin karvani ecën përpara’. Kështu shkruan në FB, kryetari i PS-së, Edi Rama, ndërsa në 4 qarqe ka nisur votimi për zgjedhjen e delegatëve të Partisë Socialiste.

Rama ka qenë në Fier për të vëzhguar procesin, ndërsa në qytetin e Elbasanitka pasur dhe një përplasje mes deputetit Taulant Balla dhe deputetit Ben Blushi, i cili kërkon zgjedhje për kreun e PS-së pasi kryetarit aktual Edi Rama i ka mbaruar mandati.

Blushi hodhi akuza se delegatët e Kongresit janë emëruar dhe nuk janë të përzgjedhur nga anëtarësia.

“Mirënjohje socialistëve që po votojnë në 4 qarqet pavarësisht shiut.Qentë le të lehin karvani ecën përpara,” shkruan Rama.