Boçi denoncon deputetin e PS-së, Sadri Abazi: Po prish vendin e krimit me shtesat e kateve pa leje

Partia Demokratike ka publikuar të tjera fakte për atë që e cilëson si aktin kriminal të deputetit të PS-së Sadri Abazit për prishjen e vendit të krimit me shtesat e kateve pa leje.

Pas ish-deputetes Fatbardha Kadiu, është ish-deputeti tjetër i PD-së, Luçiano Boçi i cili dëshmon me foto praninë e Sadri Abazit, pasi ka zhdukur dy katet pa leje.

Ish-deputeti i PD-së ngre 5 pyetje përse ligji zbatohet me dy standarde.

Reagimi i Luçiano Boçit:

KUSH DUHET TË HYJË NË BURG?

Gjatë inspektimeve si grup i ngritur nga PD, me ish-deputeten e Durrësit Fatbardha Kadiu, në zonën e pistës “ILIRIA”, për të parë nga afër dhe inventarizuar dëmet e tërmetit, pamë aty dhe deputetin e PS, Sadri ABAZI.

Shumë “i shqetësuar” por i buzëqeshur, siç shihet në foto, kishte ardhur për çfarë?!!!

Për njerëzit?

As mos e mendoni.

Kishte ardhur për të zhdukur gjurmët e ndërtimit abuzues në pallatin e vet, të dëmtuar në përmasa të frikshme.

Pasi kishte hequr me shpejtesi dy katet pa leje që shihen qartë në foto, ka nisur me urgjencë zhdukjen e provave abuzuese.

Pas këtij fakti tronditës që nuk është i vetëm,  disa pyetje lindin për Ramën:

Kush duhet të hyjë tani në burg?!!

Pse lejohet zhdukja e provave?!

Kush ia dha lejen Abazit?!!

Po katet pa leje?!!

Po prokuroria ku është?!

Kjo është e vërteta që kërkon të fshijë Rama më bufonizmat e tij.

Përgjegjësit e katastrofës i ka në krah duke nisur nga Gjushi, Abazi e të tjerë.

Përgjëgjësi kryesor është ai vetë si mbjellës i shkatërrimit në Tiranë.