“Ka më shumë se një tregues se ka një marrëveshje të fshehtë Rama-Vuçiç”

Emisioni “Ju flet Moska” në RTV Ora nga Kastriot Myftaraj analizoi mbrëmjen e sotme marrëdhëniet shtetërore mes Shqipërisë dhe Serbisë.

Myftaraj thotë se është një histori e mbushur me marrëveshje në dëm të Shqipërisë, të cilat kanë qenë publike por edhe të fshehta.

Kastriot Myftaraj:  Historia e marrëdhënieve politike shtetërore midis Shqipërisë dhe Serbisë është një histori e mbushur me shumë ngjarje, me shumë marrëveshje në dëm të Shqipërisë të cilat kanë qenë publike por edhe të fshehta. Kanë pasur jo pak edhe marrëveshje të fshehta në marrëdhëniet shqiptaro-serbe. Këto marrëveshje të fshehta nuk kanë qenë të dendura në një periudhë kohe kaq të shkurtër në historinë e një gjysëm shekulli. Pjesa më e madhe e këtyre marrëveshjeve kanë ndodhur midis vitit 1914 dhe fundit të viteve 40. Por kur në historinë e 2 vendeve  ka pasur marëveshje të fshehta me një dinamikë të tillë, nuk mund të mos ta shikosh si një ligjësi të pashprehur. Kjo tregon që politikanët shqiptar në rrethana të caktuara edhe sot bëjnë marrëveshje të fshehta. Është një teori që ushqehet nga vetë faktet historike.

Për të mësuar më shumë për marrëveshjet e fshehta mes dy vendeve shihni videon e emisionit: