“Call of Duty” rikthehet në sezonin e ri, beteja në luftën civile në Siri dhe sulme terroriste në Londër

Video-loja Call of Duty, është një ndër më të popullarizuarat dhe për të kanë dëgjuar edhe ata që nuk merren me këto lojëra.

Kësaj radhe, kjo lojë është rikthyer me sezonin e ri të quajtur Modern Warfare, që zhvillohet në situata më të njohshme si disa beteja të luftës civile në Siri, apo sulmet terroriste që kanë ndodhur në Londër gjatë viteve të fundit.

“Mendoj se është e rëndësishme, që njerëzit të kenë produkte argëtuese, që ndjehen në ambiente paksa më të njohura, ku vërtetë mund ta luajnë heroin dhe të përpiqen të shpëtojnë vetën dhe të tjerët, në po të njëjtën botë ku edhe vet jetojnë” ka thënë Jeff Minkoff, drejtori i fushatës së kësaj loje.

Në të njëjtën kohë, video-loja përmban edhe një nivel të lartë grafike, së paku si shihet në videon e shkurtër, por shumë të mirë.

Të interesuarit për këto beteja, duhet të presin deri më 25 tetor, kur do të lansohet Call of Duty: Modern Warfare.