Icardi hedh poshtë Interin, ky është ekipi më i mirë që ka luajtur

Mauro Icardi pretendon se Paris Saint-Germain është ekipi më i mirë në të cilin ka luajtur ndonjëherë, pas dy golave që i shënoi të dielën në fitoren 4-0 të parisienëve kundër Marseille.

Sulmuesi argjentinas ka shënuar 6 gola në 5 ndeshje për PSG-në në ligë.

“Jam i lumtur për golat dhe për fitoren”, tha Icardi.

“Unë kam luajtur me kampionë të mëdhenj, por ky ekip i PSG-së është më i miri për të cilin kam luajtur. Ndihem mirë dhe mund të shënoj shumë gola”, shtoi ai.

Icardi është i huazuar nga Interi te PSG-ja deri në fund të edicionit aktual, por klubi francez e ka mundësinë për ta blerë argjentinasin në përfundim të sezonit për një shumë prej 70 milionë eurove sipas marrëveshjes së huazimit mes palëve.