Mobilizohet policia për 1 vjetorin e vrasjes së Kostandinos Kacifas

Policia shqiptare është mobilizuar për të ruajtur sigurinë në 1 vjetorin e vrasjes së Kostandinos Kacifas.

Gazetarja e RTV Ora, raporton se duke nisur nga dita enjte në pikën e kalimit kufitar të Kakavijës si edhe në gjithë zonën e Gjirokastrës do ketë forca të antiterrorist dhe forca të ndërhyrjes së shpejtë.

Gjithashtu edhe nga drejtoria vendore e policisë së Gjirokastrës po merren masa të shtuara për të mos pasur incidente.

Burime për RTV Ora thonë se ka pasur një bashkëpunim edhe me forcat doganore greke për të mos lejuar kalimin e asnjë personi me rrezikshmëri apo ekstremist të shpallur non grata.

Ekstremisti grek Babis Karathanos i shpallur non grata në Shqipëri i ka bërë ftesë shoqatave të Vorioepirit për të marrë pjesë në memorialin vjetor të Kostandin Katsifas në Vouliarats.

Memoriali vjetor për Kacifas do të mbahet në 26 tetor në vendlindjen e tij, në Kishën e Shën Athanasius në orën 09:00.