A do të shpallë Rama zgjedhjet e parakohshme?

Pas aktit civil të kryeministrit maqedonas Zaev, i cili e çoi vendin në zgjedhje të parakohshme me 12 prill 2020 me qeveri teknike, mësohet se në Tiranë Edi Rama ka thirrur me urgjencë kupolën e afërt në PS dhe disa oligarkë, ku u ka thënë se nuk kemi udhë tjetër veçse të shkojmë në zgjedhje të parakoshme.

Dy oligarkë dhe një mediatik koncensionar i kanë sugjeruar kryeministrit Rama që të kërkojë Mocion Besimi në parlament dhe natyrisht të mos e votojnë deputetët e PS, pasi sipas Kushtetutës kur kryeministri kërkon mocion të tillë dhe e humbet vendi shkon për 45 ditë në zgjedhje të parakoshme parlamentare, por me këtë kryeministër. Ndaj këtë lojë kushtetuese Edi Rama do të zbatojë, ndonëse opozita kërkon zgjedhje pa Edi Ramën.

Nuk dihet vendimi që do të mbajë Presidenti Meta pas mocionit të Besimit dhe kalimit në zgjedhje të parakohshme parlamentare për 45 ditë. Por mendohet se do ta firmosë dekretin për zgjedhjet nëse kryeministri humbet Mocionin e Besimit.