Zero shkelje të Kushtetutës nga Presidenti, Halimi: Opinioni final i Venezias, një verdikt drejtësie

Për ish-ministrin e Drejtësisë, Eduard Halimi opinioni final i Venecias, është një verdikt i mirëfilltë drejtësie.

Në një reagim përmes rrjeteve sociale, Halimi shprehet se verdikti i sotëm i Venecias, bën fjalë për zero shkelje të Kushtetutës nga ana e Presidentit.

Reagimi i Eduard Halimit

Opinioni final i Venezias, një verdikt drejtësie

Nuk kam pasur kurrë dyshim se opinionet përfundimtare të forumit më profesional në Europë janë verdikte drejtësie. Në të gjitha intervistat e javës së kaluar miqtë gazetarë me pyesnin: a do ndryshojë draft-opinioni nga opinioni përfundimtar?

Përgjigjia ime bazohej në besimin e verdiktit përfundimtar, integritetin e Institucionit dhe bindjen se argumentet e plota të stafit të Presidentit, do të prodhonin një verdikt drejtësie.

Verdikti i sotëm i Venezias, është një verdikt drejtësie për Shqipërinë e sotme, të nesërme dhe gjithë vendeve anëtare të KiE.

#zeroshkelje#presidenti#kushtetuta