Sakrifica për arsimin, në auditor me karrocë

Sot nisi Viti i ri Akademik por dita nuk ishte e njëjtë për të gjithë studentët. Dëshira dhe këmbëngulja për të realizuar ëndrrat, thyen çdo barrierë dhe vështirësi. Shembulli është e reja Fatjona Nikaj, nga Shkodra. Pavarësisht se është në karroce me rrota ajo vijon të ndjekë studimet universitare e madje me rezultate të mira.

Në fillim, ishte vetëm shkolla e mesme “Shejnaze Juka”, e cila e pranoi pasi gjimnazet e tjera e refuzuan. Sot, ajo vazhdon vitin e dytë në degën e gjermanishtes pranë universitetit “Luigj Gurakuqi”.

Fatjona është një shembull pozitiv dhe një inspirim jo vetëm për studentët por edhe për stafin akademik të universitetit. Për të ndihmuar studenten, drejtuesit e fakultetit kanë zhvendosur klasën e gjermanishtes, nga kati i tretë në atë të parin, për t’i lehtësuar lëvizjen Fatjonës.