Ja pse çmimi i naftës mund të barazohet me të benzinës

Edhe pse është folur për vite me radhë për fenomenin në teori, tashmë momenti duket se ka mbërritur: nga viti i ardhshëm nafta mund të kushtojë po aq sa benzina. Në fakt, ligji tjetër i Buxhetit mund të barazojë akcizat e dy karburanteve, të cilat aktualisht janë më të ulëta për naftën.

Dekreti mjedisor, tani për tani, flet vetëm për shkurtimin e subvencioneve të dëmshme për mjedisin, duke e shtyrë përcaktimin në ligjin e Buxhetit 2020. Zëri më i rëndësishëm (4.9 miliardë euro, në 2018) e listës së subvencioneve është ajo që mban taksën e akcizës për naftë në një nivel më të ulët se ai i benzinës. Rimbursimi për transportuesit e një pjese të taksave të akcizës në vend të kësaj peshon 1.26 miliardë euro.

Motivacioni për të realizuar këtë barazi është i thjeshtë: bëhet fjalë për një karburant me një përmbajtje më të lartë karboni sesa benzina, kështu që çdo gram i djegur përfshin emetimin e më shumë dioksidi karboni (CO2). Dhe CO2, i cili është në bazë të ngrohjes globale të Tokës dhe ndryshimit klimatik, tashmë është një çështje shqetësuese. (Ilsole24ore)/ SCAN