Aksident tek Kthesa e Kamzës, përplasen në seri tre automjete

Një aksident ka ndodhur pasditen e sotme në Tiranë, ku janë përfshirë tre automjete.

Mësohet se një Ford, një Benz dhe një Fiat janë përplasur në seri.

Nga informacionet paraprake, raportohet se nuk ka persona të lënduar, por vetëm dëme materiale.

Ngjarja ka ndodhur tek Kthesa e Kamzës dhe përplasja ka shkaktuar trafik të rënduar.

Policia ka mbërritur në vendngjarje për të sqaruar rrethanat e aksidentit.