Masakra në Prishtinë për pronat, vdes edhe personi i tretë

Ka vdekur edhe personi i tretë nga përleshja me armë që ndodhi javën e kaluar në Lagjen e Spitalit në Prishtinë.

Një person kishte vdekur në vend, e një tjetër në spital, ndërsa nga QKUK’ja konfirmojnë për Gazetën Express se ka vdekur edhe personi i tretë nga përleshja me kallashnikov në rrugën “Muharrem Fejza”.

Viktima është Gani Rafuna, i lindur në vitin 1943, e lajmin e kanë konfirmuar edhe nga familja Rafuna. Javën e kaluar në Lagjen e Spitalit nga një përleshje e armatosu mbeti një i vrarë dhe tre  të plagosur.

Për këtë rast janë arrestuar fillimisht dy persona si të dyshuar, e më pas edhe një tretë.

Përleshja në periferi të Prishtinës ka ndodhur si pasojë e një konflikti pronësor ndërmjet Familjes Rafuna dhe Mehmeti. Të plagosur ishin katër persona derisa njëri prej tyre kishte ndërruar jetë pak minuta pas plagosjes. I dyti kishte ndërruar jete në mbrëmje.

Ndërsa, 76 vjeçari Gani Rafuna kishte mbetur i plagosur rëndë që vdiq sot në Qendrën Klinike Universitare të Kosovës. Deri më tashmë janë arrestuar tre persona.