Rama ndjek stërvitjen e kombëtares: Kur fitojnë mbajnë radhë …

Kryeministri i Shqipërisë, Edi Rama ka qenë i pranishëm në resortin “Tropical”, ku kombëtarja e drejtuar nga Edoardo Reja, po zhvillon përgatitjet e fundit për ndeshjen kualifikuese të “Euro 2020” kundër Islandës.

 

Menjëherë pas kësaj numri 1 i qeverisë shqiptare ka postuar një foto në “Facebook”, nga qendra stërvitore ku shkruan: “Kur fitojnë mbajnë radhë të të tregojnë sa të duan, kur humbet e ke ti radhën t’u tregosh se sa vlen”.

Në këtë mënyrë ai u ka bërë thirrje tifozëve që të jenë sa më shumtë në sfidën e mbrëmjes së sotme ndaj Islandës, që do të luhet në orën 20:45 në stadiumin “Elbasan Arena”.