Protesta e Unazës, Balliu feston 30-vjetorin me qytetarët

Siç është bërë traditë tashmë prej muajsh të tërë, edhe mbrëmjen e sotme banorët e Unazës kanë protestuar kundër projektit që prish banesat dhe bizneset e tyre. Në protestën e sotme, ashtu si në çdo protestë, merrte pjesë edhe anëtari i Kryesisë së PD-së, Klevis Balliu. Protesta e sotme përkon edhe me 30-vjetorin e lindjes së ish deputetit demokrat.

“Është kënaqësi që këtë 30-vjetor ta kaloj këtu në sheshin e qëndresës demokracisë”, u shpreh Balliu.

Më tej, ai shtoi se, banesat e pronat e qytetarëve kërkohen tu jepen oligarkëve pranë qeverisë. “Nëse më parë kishte dyshime, sot pas 10 muajsh, banorët e Unazës bënë transparencën e një afere korruptive ku ishin të përfshirë narkotrafikantë, oligarkë dhe po vidhnin në emër të Edi Ramës për mbushure llogaritë”, u shpreh ndër të tjera Klevis Balliu.