Ibra shënon tripletë në MLS: Nuk kam punuar gjithë karrierën të më krahasoni me … (VIDEO)

Zlatan Ibrahimoviç vijon të dhurojë spektakël edhe në Amerikë.  Gjiganti suedez shënoi 3 herë dhe i dha fitoren 3-2 skuadrës së Los Angeles Galaxy, në derbin përballë Los Angeles FC, që nga ana tjetër gjeti dy herë rrjetën me sulmuesin Carlos Vela.

Pikërisht këtë të fundit ka shigjetuar Ibra në fund të takimit, teksa nuk i ka kursyer edhe kritikat për mediat sportive në Shtetet e Bashkuara të Amerikës.

“Nuk kam punuar gjatë gjithë karrierës, për t’u krahasuar një ditë me Carlos Velan. Bëni një gabim të madh që bëni këtë krahasim, pasi jam futbollisti më i mirë i MLS-së. Sot e patë të gjithë kush ishte më i miri”, tha suedezi, ndërsa deklarata e tij bëri shpejt xhiron e botës.