Refuzimi i mandateve, Daci: Gjyqtarë të guximshëm

Avokati i Shoqatës së Bashkive, Jordan Daci, thotë se institucioni që ai drejton i është drejtuar me një kërkesë Gjykatës Kushtetuese, ku kërkon ”konstatimin e paligjshmërisë së zgjedhjeve të datës 30 qershor” dhe kryetarëve të dalë nga këto zgjedhje.

“Hapi i djeshëm ishte rekomandim i ndërkombëtarëve që thanë se duhen përdorur mjetet institucionale dhe Gjykata Kushtetuese është mjet i tillë. Shpresoj që gjykata do e nisë punën me këtë kur të ngrihet sepse mendoj se është prioritare kjo çështje”, shtoi avokati i Shoqatës së Bashkive në ”A2 News Cnn”.

Nga ana tjetër, ai shpjegoi rastet e Durrësit dhe Vorës. ”Gjykata verifikon kushtet sipas nenit 45 të Kushtetutës dhe Kodit Zgjedhor. Ky nen është e drejta për t’u zgjedhur dhe për të zgjedhur por ne nuk kemi një praktikë për ta kuptuar se çfarë do të thotë neni 45. Madje edhe doktrina shqiptare është shumë e varfër por Gjykata Evropiane e të Drejtave të Njeriut ka rreth 1000 vendime, prej të cilave ne kemi përdorur 10 te ankesa jonë, ku sqarohet se çfarë do të thotë të votosh. Nuk quhen zgjedhje nëse nuk janë pluraliste pasi kjo cenon të drejtën e zgjedhësve”.