Reeker për krizën në Shqipëri: Nuk kemi thënë se çdo gjë është perfekt

Ndihmës Sekretari i Shtetit në detyrë për Euroazinë, Philip Reeker ka folur për situatën në Shqipëri në takimin e Këshillin Atlantik, në Uashington. Duke iu përgjigjur një pyetjeje të Zërit të Amerikës, Reeker tha se rruga institucionale është mënyra e vetme për tejakilimin e krizës së tanishme.

Gjithmonë kam një bast me stafin që nuk mund të kalojë një ditë pa më pyetur për Ballkanin. Kam kaluar shumë nga jeta ime personale dhe profesionale në Ballkan.

Shqipëria ka kaluar një periudhë të vështirë. Është aleat i NATO-s, kemi punuar ngushtësisht dhe kemi punuar fort me ta. Ky vend erdhi nga një eksperiencë unike, pasi dolën nga era e Hoxhës, një eksperiencë e ndryshme nga vendet e tjera gjatë Luftës së Ftohtë. SHBA kanë qenë miku më i mirë i Shqipërisë, kemi punuar fort për ta futur në rrugën e anëtarësimit në NATO. Jemi krenarë për këtë fakt.

Jemi krenarë për Shqipërinë. Por nuk jam krenar për shqiptarët gjatë javëve të fundit. Nuk mund të bojkotosh parlamentin, ose të lësh mandatet. Duhet të përdorësh këto institucione, duhet të përdorësh gjykatat, duhet të caktosh anëtarët e Gjykatës Kushtetuese, që të përdorësh këto mjete për të kaluar këto kohëra të vështira politike.

SHBA nuk do të arbitrojnë politikën e brendshme shqiptare, por do të vazhdojmë të inkurajojmë të gjithë palët që të punojnë së bashku me institucionet dhe të bëjnë hapat e duhur për të kaluar këtë me mjetet kushtetuese që keni. Duhet të mbajmë mend që ne në SHBA, na u desh ca kohë që të bëjmë gjërat mirë. Nuk kemi thënë se është kryer kjo gjë apo është perfekt. Por institucionet janë çelësi“,– tha Riker.

Në një postim në Twitter, ambasadorja e Shqipërisë në SHBA, Floreta Faber e përmblodhi në këtë mënyrë fjalën e Reeker: “Shqipëria duhet të përdorë institucionet e saj në mënyrë që të kalojë gjendjen e sotme politike. Bojkotimi i tyre nuk është ajo që shpresuam të shohim. Ata duhet ta zgjidhin situatën brenda kuadrit kushtetues!”.