Edita Tahiri: Aventurat e komisioneres Federica Mogherini mund të sillnin luftë në Ballkan

Nuk ndalojnë skandalet nga dosja Thaçi-Vuçiç-Rama për idenë e korigjimit të kufinjve mes Serbisë dhe Kosovës. E fundit doli nga regjistrimi i kryeministrit maqedonas Zev ku tregoji, në shenjë sinqeriteti, se loja për ndarjen e kufinjve nga rusët.

Edita Tahiri, ish-kryenegociatorja e Kosovës për bisedimet me Serbinë, thotë se përfaqësuesja e lartë e BE-së, Federica Mogherini, deri para një viti ka mbrojtur parimet evropiane në Ballkan, përderisa së fundmi i ka shkelur pikërisht parimet e tilla, duke hyrë në aventura, të cilat do të mundë të sillnin luftë në Ballkan.

Ish-kryenegociatorja e Kosovës për bisedimet me Serbinë Edita Tahiri disa herë është takuar në Bruksel me përfaqësuesen e lartë të Bashkimit Evropian për Politikë të Jashtme dhe Siguri, Federica Mogherini, me ç’rast ka krijuar vlerësime të ndryshme për punën pesëvjeçare të kryediplomates evropiane.

Sipas saj, deri para një viti Mogherini ka mbrojtur parimet evropiane në Ballkan, përderisa së fundmi i ka shkelur pikërisht parimet e tilla.

“Nga përvoja ime që kam pasur me zonjën Mogherini, deri para një viti ajo ka qenë në mbrojtje të parimeve evropiane në Ballkan e të cilat kanë qenë që gjashtë vendet e Ballkanit, duke përfshirë edhe Kosovën, të bëhen anëtare të BE-së. Mirëpo se çfarë ndodhi në vitin e fundit dhe pse ajo shkeli parimet evropiane e doli në disa aventura, të cilat do të mundë të sillnin luftë në Ballkan, këtë nuk e di”, thotë Tahiri për gazetën “Zëri”.

Publikimi i regjistrimit të komedianëve rus me kryeministri Zaev, ndonëse me nota humori, por tregoi se kush fshihej pas kësaj loje. Zaev e tha me gojën e tij se janë rusët me treshen Thaçi-Vuçiç-Rama.