Vokshi: Rama kërkon t’u mbyllë gojën denoncuesve të korrupsionit të tij

Ish-deputetja e Partisë Demokratike, Albana Vokshi ka reaguar për paketën “Anti-shpifje”, e cila u miratua dje nga qeveria dhe ministrja e Drejtësisë, Etilda Gjonaj e cila i bëri publike vendimet e Këshillit të Ministrave.  Gjithashtu demokratja Vokshi shprehet se kjo nismë e re e qeverisë Rama synon kontrollin total të medias on-line.

Postimi i Vokshit:

“Në një vend ku fletë votimi gjenden lirshëm, gazetarët nuk mund të gjejnë dot vendimin e Edi Ramës për censurimin e medias online. Paketa për kontrollin total të medias, që u miratua dje me nxitim në qeveri, pa u konsultuar me përfaqësuesit e medias, po mbahet e fshehtë. Kjo paketë, për aq sa e njohim ne dhe gazetarët, synon gjobitjen e rëndë për çdo media kritike ndaj Edi Ramës deri në mbylljen e tyre. I braktisur, i bojkotuar, i refuzuar nga 85% e shqiptarëve, Rama po kërkon të mbyllë gojën e atyre që denoncojnë aferat e tij të korrupsionit apo lidhjet e tij dhe të qeverisë së tij me krimin. Për të ndaluar rikthimin e dënimeve për agjitacion dhe propagandë, ftoj gazetarët të ngrejnë zërin kundër humbjes totale të lirisë së tyre profesionale. Ftoj qytetarët të bashkohen me opozitën në protestën e madhe kombëtare, të hënën më 8 korrik, ora 20.00 para kryeministrisë.#Protesto8Korrik #ProtestoKundërCensurës Redaksiabë Lajme