Putin nënshkruan ligjin për dalje nga Traktati bërthamor

Russian President Vladimir Putin listens to Greek President Prokopis Pavlopoulos during their meeting at the Novo-Ogaryovo residence outside Moscow, Russia, Friday, Jan. 15, 2016. (AP Photo/Ivan Sekretarev, pool)

Presidenti i Rusisë, Vladimir Putin, e nënshkroi ligjin që pezullon pjesëmarrjen e këtij vendi në Traktatin e Forcave Bërthamore me Rreze të Mesme. Ky Traktat midis Shteteve të Bashkuara dhe Rusisë daton nga Lufta e Ftohtë.

Ligji, i cili u mbështet nga Parlamenti rus muajin e kaluar, u publikua në portalin e Qeverisë ruse. Në muajin shkurt, SHBA-ja e pezulloi pjesëmarrjen në Traktatin e vitit 1987, duke e akuzuar Rusinë për zhvillimin e një sistemi raketor që e shkel këtë pakt.

Moska, e cila i mohon akuzat, e fajëson SHBA-në për shkelje të marrëveshjes – gjë që hidhet poshtë nga Uashingtoni. Traktati ka eliminuar një klasë të tërë të raketave. Ai i ka ndaluar Shtetet e Bashkuara dhe Rusinë të zhvillojnë dhe prodhojnë raketa balistike me rreze prej 500 deri në 5,500 kilometra.