Zbulohen miliona eurot që fitoi Beketi në gjyqin ndaj Ramës. Pse u ndëshkua Shqipëria?

Ka dalë shifra zyrtare që duhet të paguajë Shqipëria ndaj biznesmenit italian, Françesko Beketi. Portali i specializuar, law360.com raporton se arbitrazhi ndërkombëtar ka vendosur se Shqipëria duhet të paguajë 111 milionë euro ndaj Beketit.

Biznesmeni italian e paditi qeverinë shqiptare, duke pretenduar se sulmet ndaj biznesit të tij lidhen me faktin se televizioni në pronësinë e Beketit, Agon Channel ka bërë mbulim jo të favorshëm ndaj qeverisë.

Tribunali tha se veprimet e Shqipërisë ndaj kompanisë Agonset nuk ishin “ushtrim legjitim i fuqive policore”.

Sipas tribunalit, kjo solli edhe shpronësimin e akuzuesve. Vetë Beketi tha se vendimi e ka gëzuar pasi vjen pas 4 vitesh betejë.

Ndërkohë firma ligjore që e përfaqësoi biznesmenin në arbitrazh, tha se vendimi ishte një kritikë e fortë ndaj sjelljes së paligjshme të autoriteteve shqiptare, të cilat shënjestruan median e lirë.