Arrestimi i Spahiut, kreu i PD Shkodër: Rama të mbajë përgjegjësi

Arrestimi i ish-deputetit Bardh Spahia, nuk është pritur aspak mirë nga demokratët e qarkut Shkodër. Drejtuesi lokal i kësaj partie dhe militantë kanë shkuar mbrëmjen e djeshme në Drejtorinë e Policisë së Shkodrës, për të pritur ish-deputetin. Pritej që Spahia të shoqërohej nga efektivët në Shkodër, pasi një ditë më parë kjo polici e shpalli person në kërkim pas incidenteve, ku mbështetësit e opozitës i vunë flakën klasës së shkollës “Shejnza Juka” për të djegur materialet zgjedhore. Turp dhe pabesi e kanë cilësuar aktin drejtuesit e Partisë Demokratike të Shkodrës arrestimin e Spahisë.