“Santiago Bernabeu” përgatitet për festë, të martën prezantohet blerja e radhës

Javë prezantimesh te Reali i Madridit.

Pas Luka Jovic dhe Eden Hazard, që janë përballur edhe me emocionet e para si “Los Blancos” është radha e Rodrygo Goes për të prekur fushën e “Santiago Bernabeu”.

Si për koicidencë, 18 vjeçari do të prezantohet te Reali me 18 qershor, aq sa mosha e tij. Futbollisti brazilian vjen te Reali nga radhët e Santos.

Rodrygo do të prezantohet të martën, ndërsa Ferland Mendy do të takohet me tifozët e tij të ri një ditë më pas, të mërkurën. Mendy u bashkua me Zinedine Zidane vetëm pak ditë më parë nga Lyon.

Firma me francezin i kushton 48 milionë euro arkave të spanjollëve dhe pritet t’i bëj konkurencë të fortë Marcelos në krahun e majtë të mbrojtjes.