Nis festivali i fëmijëve në Shkodër

Edicioni i 57-të i festivalit mbarëkombëtar të këngës për fëmijë, ngjiti në skenën e teatrit “Migjeni” 10 interpretimet e natës së parë.

Zëra të magjishëm, larmi tekstesh dhe këngësh me mesazhe të bukura për të vegjlit, i dhanë në këtë mbrëmje emocione pa fund si fëmijeve, prindërve dhe organizatoreve të kësaj feste të madhe muzikore.

Kujtim Alija: “Shpresoj ti kemi dhënë publikut shqiptar një shfaqje të mirë që do vazhdojmë ta përmirësojmë deri në natën finale.”

Emocione kanë edhe ata që prej një jete ndjekin festivalin.

I tillë është Tonin Fishta që ndonëse 20 vitet e fundit jeton në Itali, çdo edicion udhëton posaçërisht për të ndjekur live zërat e fëmijëve.

Tonin Fishta: “Qysh në festivalin e parë dhe deri tani e ndjek vazhdimisht.”

Finalja e madhe do të mbahet të premten e 14 qershorit, ku do të shpallet kënga më e mirë e këtij viti për fëmijë.