Babai yt i ka hequr kallot Enver Hoxhës! Shkëlzen Berisha çon në gjyq nusen e nipit të ish-diktatorit

Shkëlzen Berisha, djali i ish-kryeministrit Sali Berisha, ka paralajmëruar se do të padisë për shpifje këngëtaren Rezarta Shkurta, e cila është gruaja e nipit të ish-diktatorit Enver Hoxha, Ermal Hoxhës.

E gjitha përplasja lindi nga një postim i ish-kryeministrit Sali Berisha, dje në “Facebook”, i cili shkruante për Ermal Hoxhën: “Për 20 kilogramë kokainë bëri vetëm 3 vjet burg”, duke ju referuar laboratorit të përpunimit të kokainës në XIbrakë, vepër për të cilën Ermal Hoxha bëri burg dhe tashmë prej pak kohësh është i lirë.

Rezarta Shkurta ju kthye ashpër Berishës, duke i përmendur djalin e tij, Shkëlzenin. ‘Mos u merr me nipin e atij që i ke hequr kallot e këmbëve, por merru me djalin tënd Zeni Berisha që vrau qindra fëmijë në shpërthimin e Gërdecit, dhe s’bëri asnjë ditë burg’, shkruan Rezarta në foton ku ka bërë tagg edhe djalin e ish-kryeministrit, Shkëlzen Berishën.

Sot, Shkëlzen Berisha ka bërë një reagim në Facebook, duke thënë se Rezarta Shkurta do të përballet me gjykatën.

“Pas të akuzuarit për trafik droge (Tahirit), pas mikut të trafikantit të drogës (Ballës), radhën për të “kënduar” para gjykatës, do e ketë partnerja e trafikantit të drogës”, shkruan ai.