4 shfaqjet që prezantohen këtë fundjavë në Teatrin Eksperimental

Antigona, Mbretëresha e Bukurisë, Shërbëtoret dhe Darka e Lamtumirës, këto janë shfaqjet që do të tërheqin spektatorët në Teatrin Eksperimental këtë fundjavë.

Në rolet kryesore në të katërta shfaqjet do të interpretojë aktorja Laura Nezha. Mes emocioneve ajo shprehet se ngarkesa është tepër e lartë, por kënaqësia është ajo që do të triumfojë.

Laura Nezha: Ti mbyll njerën natë dhe të nesërmen mendon që është një atmosferë krejtësisht tjetër. Rikujton një tekst tjetër, marrdhënie. Do e shijoj akoma edhe më shumë kur ky proces të përfundoj, sepse tani jam akoma në atë adrenalinën e intensitetit të vazhdueshëm. Saç është impenjative është edhe aq e veçantë.

3 drama dhe një komedi nga të cilat protagonistja e tyre nuk mundet të përzgjedhë të preferuarën.

Laura Nezha: Për mua është gati e vështirë që t’i ndaj. Nuk di. E rëndësishme është që janë role që nuk ngjajnë fare në karakteristika me njeri-tjetrin. Kjo më bën mua të plotë dhe për të ardhur ndryshe në këto netë. 

Shfaqja përmbyllëse do të jetë drama Andtigona, mbrëmjen e së djelës në Teatrin Kombëtar Eksperimental “Kujtim Spahivogli”.