Aksidenti tragjik te Gjiri i Lalzit/ Apeli i tezes: Dje i varrosëm mamit Sindit, s’duam të mbesë sakate

Dy ditë më parë, në autostradën Tiranë-Durrës një makinë ku udhëtonin dy motra dhe dy fëmijët e njërës prej tyre u përplas rëndë me një fuoristradë që drejtohej nga një shtetas francez.

Si pasojë e aksidentit të rëndë,  nëna e dy fëmijëve 31 vjeçarja Mirela Daci, humbi jetën.

Aksidenti ishte aq i fortë saqë është dashur ndërhyrja e zjarrfikësve për të çarë dyert e makinës së bërë copash e për të nxjerrë trupin e viktimës e të plagosurit jashtë.

Ditën e sotme, JOQ ka publikuar mesazhin e motrës së Mirelës, e cila po ashtu u plagos gjatë aksidentit tragjik.

Ajo ka një thirrje dëshpëruese për këdo që mundet ta ndihmojë familjen, pasi vajza e vogël e të ndjerës ka thyer të dyja këmbët.

Mesazhi i plotë:

Pershendetje! Kam nje rast urgjent dhe ju lutem tme ndihmoni. Jam Leonora Cerpia tezja e Sindi Dacit. Sindi eshte aksidentuar me date 28.02.2019 ne gjirin e lalsit ku mbeti pa jete mamaja e Sindit, Mirela Daci motra ime. Sindi ka thyer te dyja kembet, njeren kembe e ka te thyer siper gjurit, kocken kryesore si dhe ka plage te renda te hapura. Sindit i ka skaduar pasaporta dhe nese eshte e mundur kerkojme te na jepet nje zgjidhje qe ta dergojme ne spital jasht vendit. Nderhyrja duhet te behet urgjent brenda dites se neserme, pasi rrezikon te mbetet sakate. Nuk po me jep zgjidhje askush.Nuk eshte qeshtje pagesash por kerkoj suport nga shteti tme lejojne ta dergoj gocen ne spital ne stamboll pa pasaporte. Dje i varrosem mamin Sindit dhe sduam qe tna mbetet goca sakat. Ju lutem na ndihmoni. Kemi shpresa tek ju!”