Reshjet e shumta “përmbysin” Durrësin, probleme me qarkullimin

Nuk ka kaluar pa përmbytje edhe Durrësi si gjithmonë pas reshjeve të shiut. Reshjet e dendura të shiut, që nga mbrëmja e djeshme, kanë shkaktuar probleme në shumë rrugë të Durrësit.

Rrjeti i kanalizimeve nuk e ka përballuar dot situatën dhe në zona të caktura kalimi ka qënë i pamundur si për kalimtarët, ashtu edhe për makinat.

Reshjet intensive në Durrës nisur që dje kanë vazhduar edhe në orët e para të mëngjesit të sotëm.

Sipas IGJEUM, reshjet mesatare, 15 – 45 mm / 24 orë në këtë qark do të jenë edhe sot të pranishme me mundësi që të shfaqen fenomene hidrometeorologjike problematike.