Andoni: Rusisë po i ndodh diçka në Ballkan

Gazetari Ben Andoni i ftuar në “Arena” nga Dritan Hila në Ora News, thotë se Rusia është gjithnjë e më e interesuar për Ballkanin, veçanërisht për kisha. Ai deklaron se momenti më i dhimbshëm i Rusisë në Ballkan, ishte tërheqja e trupave të saj nga Kosova dhe Bosnja në vitin 2003.

”Rusia është gjithmonë peng i një vendimi të vitit 2003. Ajo ka bërë një tërheqje nga Ballkani. 4 mijë e ca trupa u larguan nga Kosova dhe Bosnja. Kjo ka qenë në momentet më të dhimbshme të Rusisë në Ballkan. Rusia më duket gjithmonë e më shumë po synon të fitojë terrenin e viteve të mëparshme. Një ndikim shumë të madh shikoj nga relacionet e fesë. Ka një ndërhyrje gjithnjë e më të madhe jo vetëm tek kisha serbe, por edhe tek ajo bullgare. Serbia është e lidhur edhe me Republikën Sbrska dhe i shtrin metastazat deri në veri të Ballkanit. Në Ballkan, Rusisë po i ndodh diçka që nuk i ka ndodhur ndonjëherë. Është Rumania që po interesohet gjithnjë e më shumë, ndërkohë që ka qenë Bullgaria”,-tha Andoni.