Kupa e Shqipërisë, shënohen 43 gola në të dyja grupet

U luajtën sot ndeshjet e turit të parë të Kupës së Shqipërisë, një turne i cili si zakonisht, në turin e parë, i jep mundësinë emrave të rinj të skuadrave kryesore që të tregojnë vlerat e tyre në fushën e lojës. Ekipet e Superiores kanë hedhur në fushë shumë futbollistë nga ekipi i të rinjve, ndërsa ka pasur skuadra edhe si Skënderbeu që kanë udhëtuar për të zhvilluar ndeshjen pa pasur trajnerin e tyre në drejtim, pasi Agostineli i ka besuar ekipin Gentian Liçit.

Nuk kanë munguar surprizat në rezultatet e ndeshjeve të para. Mes tyre mund të veçohet barazimi 1-1 i Tiranës me Sopotin, në një ndeshje të zhvilluar në “Selman Stërmasi”, apo barazimi i kampionëve të Skëndërbeut në transfertë me Butrintin 1-1.

Sa u përket përballjeve të tjera nuk ka patur ndonjë surprizë. Skuadrat e më të forta në letër si Kukësi, Laçi, Bylisi, Partizani dhe Vllaznia kanë fituar. Edhe Dinamo ka marrë një sukses të rëndësishëm 2-1 me Pogradecin në këtë ndeshje të parë duke forcuar pozitat për kualifikimin për në raundin tjetër.

Ndërkohë Lushnja është mundur në derbin e Myzeqesë nga Apollonia e Fierit me rezultatin 3-1. Kamza e Bledar Devollit ka treguar potencialin real që zotëron, duke barazuar me Korabin e Superligës. Goli i Rezit në fillimin e pjesë së dytë është barazuar nga Prençi vetëm në minutat e fundit të lojës që ka shpëtuar Korabin nga humbja.

Ndeshjet e kthimit të raundit të parë të Kupës së Shqipërisë do të luhen menjëherë javën e ardhshme më 5 tetor.

GRUPI A

Butrinti­-Skënderbeu 1-­1

Tomori­-Kukësi 0-­3

Sopoti­-Tirana 1­-1

Turbina-­Laçi 0-­2

Shkumbini­-Bylis 1­-3

Elbasani­-Luftëtari 0­-1

Dinamo­-Pogradeci 2­-1

Lushnja-­Apolonia 1-­3

 

GRUPI B

Kevitan­-Partizani 1­-5

Shënkolli­-Teuta 0­-0

Mamurras-Vllaznia 0­-3

Iliria-­Flamurtari

Besa-­Tërbuni 1-­1

Kamza­-Korabi 1-­1

Burreli­-Kastrioti 3­-1

Erzeni­-Besëlidhja 1­-3