Besart Berisha me një lajm jo të mirë për Kosovën

Besart Berisha nuk do të jetë pjesë e përfaqësueses së Kosovës në garat kualifikuese për kampionatin botëror “Rusia 2018”.

Gjatë një interviste për “Kohën Ditore”, ai ka njoftuar se nuk do të mund të paraqitet në ndeshjet e para të Kosovës, pasi gjendet në fazën përgatitore me klubin e tij të Australisë, Melbourne Victory.

“Është e vërtetë që dëshira ime është të jem pjesë e përfaqësueses së Kosovës. Kam biseduar me trajnerin Albert Bunjaki rreth kësaj pune. Për momentin jemi në pritje se çka do të vendos FIFA”, ka thënë Berisha.

“Për momentin në Australi është faza përgatitore deri në fund të muajit tetor dhe nuk kam mundësi të paraqitem në këto ndeshjet e para.

Por shpresoj se pas fillimit të sezonit, nëse çdo gjë shkon mirë do të vazhdojmë tutje. Do të jem në kontakt me trajnerin e Kosovës dhe të shohim se si jam fizikisht edhe si do të kalojë në sezonin e ri e më pas do të vazhdojmë edhe bisedat për të ardhmen me Kosovën”.