Dinamo në kuotën zero, nisin të shkëputen Besa dhe Pogradeci

Dinamo shënoi humbjen e dytë radhazi në grupin B të Kategorisë së Parë, pas ndeshjes së javës së dytë, me Pogradecin. Blutë kryeqytetas pas disfatës ndaj Luftëtarit u mposhtën 1-0 nga Pogradeci në transfertë. Këta të fundit që regjistruan fitoren e dytë në dy takime, pasi në javën e parë kishin surprizuar një tjetër skuadër pretendente si Apolonia. Autori i golit për vendasit ishte Pengu. Përfundoi në barazim pa gola sfida mes Luftëtarit dhe Turbinës e zhvilluar në Cërrik. Apolonia që barazoi 1-1 në transfertë me Shkumbinin vendas, mori pikën e parë. Lushnja kaloi falë një goli të Fetës, Sopotin e Librazhdit në stadiumin “Roza Haxhiu”. Butrinti mundi 1-0 në Sarandë ekipin e Elbasanit. Në grupin A përfundoi në barazim 2-2 super-sfida mes Kastriotit dhe Mamurrasit, kurse Korabi arriti fitoren e parë në këtë kategori pasi mundi 3-1, Adën e Velipojës. Besa pas Mamurrasit mposhti 1-0 Kamzën dhe shënoi fitoren e dytë radhazi. Nuk pati asnjë gol sfida mes Burrelit dhe Besëlidhjes.

Kategoria e Parë

Java e dytë/Dje

GRUPI A

Burreli-Beslidhja              0-0

Erzeni-Ilira                       3-0

Besa-Kamza                    1-0

Kastrioti-Mamurrasi         2-2

Korabi – Ada                   3-1

 GRUPI B

Butrinti-Elbasani               1-0

Pogradeci-Dinamo           1-0

Turbina-Luftëtari              0-0

Lushnja-Sopoti                1-0

Shkumbini-Apolonia        1-1