Luljeta Ndoka

Plot 71.4 per qind e mesuesve te shkollave profesionale, nuk kane arritur te kapin as pragun minimal te dijeve, duke u shpallur jokalues ne provimin per mbrojtjen e kualifikimit te vitit 2010. Me e keqja eshte se jane pikerisht keta mesues, ata qe kane perqindjen me te madhe te kuadrove qe kane kryer studimet master, apo zoterojne nje certifikate te zoterimit te gjuhes se huaj. Nderkaq, problematike paraqitet situata edhe per nivelin e mesuesve ne shkollat 9-vjecare. Sipas studimit me te fundit te Institutit te Zhvillimit te Arsimit (IZHA) me mire paraqiten mesuesit e gjimnazeve.

Profesionalet

Mesuesit e shkollave profesionale jane paraqitur gjate atestimit te vitit te kaluar me rezultate mjaft te dobeta, duke mbetur ne masen 71.4 per qind. Sipas te dhenave te IZHA-s, 71.43 per qind e mesuesve qe kane marre pjese ne atestim, nuk kane mundur te kalojne as pragun minimal te pikeve, pra jane vleresuar me noten kater. Ndersa kete note e kane merituar edhe 3.24 % e mesuesve te gjimnazeve, sa u perket mesuesve te shkollave profesionale, ne me pak se 30 perqindeshi i mesuesve kalues, vetem 9.52 per qind jane vleresuar me "mjaftueshem", 2.38 per qind jane vleresuar me "mire" dhe 16.67 per qind kane marre noten "shume mire", nderkohe qe "shkelqyeshem" nuk ka marre asnje mesues. Por, sipas analizes qe i eshte bere ketyre rezultateve, specialistet mendojne se ndoshta shkak per kete nivel te dobet eshte bere edhe ndertimi i testit per kete kategori qe, ndryshe nga mesuesit e tjere, kane pasur nje test me pyetje vetem ne lidhje me dokumentacionin shkollor, programin mesimor dhe metodiken mesimore. Sipas tyre keta tregues mbase shpjegojne dhe ndryshimin qe ekziston midis mesuesve qe vijne nga dege studimi mesuesie dhe atyre qe kane studiuar per dege te tjera profesionale, jo mesuesie, dhe me tej kane hyre ne rrugen e mesimdhenies.

Te tjera

Sa u perket mesuesve te shkollave te tjera, ne gjimnazet e pergjithshme kane rezultuar mbetes 3.24 per qind e mesuesve, ne ciklin e larte te arsimit 9-vjecar mbetes jane 1.72 per qind e mesuesve, ne ciklin fillor te arsimit 9-vjecar mbetes jane vetem 0.62 per qind e mesuesve, ndersa tek ata te arsimit parashkollor nuk ka rezultuar asnje mbetes. Kategorine "shkelqyeshem" e kane prekur vetem mesuesit e gjimnazit, me 1.94 per qind dhe mesuesit e arsimit 9-vjecar, cikli i larte me 0.22 per qind, nderkohe qe edhe ne kategorine "shume mire" ata kane perqindjen me te larte. Ne total, nga 2.359 mesues qe moren pjese ne atestimin e zhvilluar nje vit me pare, "mire" jane vleresuar 57.74 per qind e mesuesve, "mbetes" jane 2.76 per qind e tyre, "shkelqyeshem" kane mundur te marrin vetem 0.47 per qind e mesuesve te testuar, "shume mire" e kane merituar 19.97 per qind e mesuesve dhe me "dobet" jane vleresuar 19.08 per qind e mesuesve qe kane plotesuar kushtet per rritjen ne kategori.



Sivjet, provimi i kualifikimit me 21 prill

Ndryshe nga te gjitha vitet e kaluara, sivjet provimi i kualifikimit do te zhvillohet me 21 prill. Duket se kjo date e vone eshte lene me qellim pergatitjen sa me te mire te infrastruktures per zhvillimin e provimit. Viti 2011 eshte viti i peste qe mesuesit dhe drejtuesit e arsimit parauniversitar iu nenshtrohen te njejta procedurave per te marre shkallen e kualifikimit. Ne vitin 2010 provimeve te kualifikimit iu nenshtruan vetem punonjesit e arsimit, te cilet deri me daten 31 dhjetor te vitit 2009 plotesuan vjetersine 5, 10 dhe 20 vjet.



Perfundime te studimit:

83% e pjesemarresve ne testimin per marrjen e shkalleve te kualifikimit ishin femra.

Numri i mesueseve femra te testuara eshte 2% me i larte se ai i vitit te kaluar

Per kategorine e pare u testuan 21% e pjesemarresve, per kategorine e dyte 34% dhe per kategorine e trete 45% e tyre.

Rreth 58% e te testuarve kane marre vleresimin Mire.

Ne krahasim me vitet e tjera, ka nje renie te lehte te mesuesve pjesemarres ne testim

Arritja mesatare ne test ne nivel kombetar rezultoi 54%.

Mesuesit e arsimit 9-vjecar, cikli i larte kane shfaqur arritje mesatare me te larta, me 56.62%.

Mesuesit e arsimit profesional per vitin 2010 kane arritje mesatare me te uleta se mesuesit e cikleve te tjera.

Mesueset femra kane shfaqur performance me te mire se mesuesit meshkuj.

Mesuesit e arsimit profesional kane perqindjen me te madhe te mesuesve qe kane kryer studimet master apo zoterojne nje certifikate te zoterimit te gjuhes se huaj.

Mesuesit e gjimnazit shenojne perqindjen me te madhe te mesuesve qe zoterojne nje certifikate TIK.

Vleresimin Shkelqyeshem e kane prekur vetem mesuesit e gjimnazit.

Qarku i Beratit ka arritjet me te larta ne kualifikimin 2010

Nder mesuesit e arsimit 9 vjecar, cikli i larte, rezulton se arritje me te larta ne test kane mesuesit e fizikes me 62.96%

Per mesuesit e gjimnazit arritje me te larta ne test kane shfaqur mesuesit e biologjise me 61.54%



Cfare permban portofoli i mesuesit

Portofoli i Mesuesit duhet pergatitur nga te gjithe arsimtaret qe marrin pjese ne atestim. Ai permban tere veprimtarite, ose me mire arkivon veprimtarite qe kryen mesuesi gjate oreve te mesimit. Ai perfaqeson nje material burimor per vleresimin e punes se kryer dhe permiresimin e saj te vazhdueshem ne te ardhmen. Portofoli i ndihmon mesuesit e rinj, duke u dhene pervojen pozitive te arritur ne shkolle. Portofoli i mesuesve te arsimit parashkollor permban disa kerkesa specifike qe lidhen me veprimtarine mesimore- edukative ne kopsht, si: model te planifikimit te nje teme mujore, te nje projekti apo miniprojekti, punime femijesh dhe produkte, shembuj te vleresimit te femijeve nepermjet instrumenteve te ndryshem. Secili material vleresohet me 3 (tre) pike kur eshte hartuar ne perputhje me udhezimet e MASH-it dhe te IZHA-se.



Portofoli i mesuesit permban:

Curriculum Vitae (me fotografi)

Planin mesimor vjetor (per nje lende dhe per nje klase te caktuar)

Objektivat e arritjeve te nxenesve per nje kapitull ne tre nivele (per nje lende dhe klase te caktuar)

Modele testesh te hartuara prej mesuesit/es (2-3 teste)

Planifikimi i kurrikules se lire (per nje lende dhe per nje klase te caktuar)

Vleresim per punen e mesuesit (nga vleresues te brendshem dhe te jashtem)