Rryshfeti, lihet ne qeli kryeinspektori Joti

Tirane-Ish-kryeinspektori i karburanteve, Virgjil Joti do te qendroje ne qeli, deri ne perfundim te hetimeve te prokurorise se Tiranes. Gjykata e Apelit Tirane ka vendosur dje caktimin e mases se sigurise “arrest me burg”, duke mos pranuar kerkesen e Jotit per lirimin e tij. Avokati mbrojtes i tij, i beri me dije gjykates qe akuza nuk ka prova qe te provoje se klienti i tij ka kryer vepren penale per te cilen akuzohet. Sipas tij, vete Joti nuk ka mare asnje shume lekesh, nderkohe qe shuma e lekeve qe pretendon akuza nuk ishte paguar per te. Ne fund mbrojtesi kerkoi prishjen e vendimit te Shkalles se Pare per caktimin e mases se sigurise dhe ndryshimin e saj ne “detyrim paraqitje”. Por Prokuroria e Apelit, ka bere me dije se ndaj te pandehurit ka prova bindese, qe vertetojne akuzen ndaj te tij. Per kete arsye gjykata duhet te linte ne fuqi masen e sigurise “arrest me burg”. Pas degjimit te pretendimeve te te dyja paleve gjykata vendosi te lere ne fuqi vendimin e marre nga koleget e shkalles se pare. Ne 1 Qershor te ketij viti Virgjil Joti, ish-kryeinspektor prane Inspektoratit Qendror Teknik te Karburanteve, se bashku me dy vartesit e tij Luan Qato dhe Kastriot Llakaj, me detyre inspektore u arrestuan pas kallezimit te nje grosisti nga Vlora, i cili prej 10 vitesh merrej me importimin e karburanteve nga Italia dhe Spanja. Ne kallezimin e tij, grosisti vlonjat tregonte se per cdo anije qe sillte nga Italia e Spanja, ai detyrohej t’i paguante 10 mije euro funksionareve te shtetit, duke perfituar ne total shumen prej 100 mije euro.

R.C