Vleresimi i pedagogut, qe nga shpjegimi e deri tek sjellja
E Marte, 02 Mars 2010
Ne pjesen e dyte te formularit kalohet direkt ne pershkrimin e detajuar te pedagogut me te cilin studenti ka provimin kur i jepet formulari per te plotesuar. Kerkesa e pare eshte "Pershkruani sjelljen e pedagogut te lendes duke perdorur shkallen e meposhtme te klasifikimit per cdo pyetje". "Pedagogu eshte mjaft i interesuar per studentet, i pergjegjshem per sa i perket problemeve te lendes dhe korrekt ne mesimdhenie dhe me pas pyetja shoqerohet me opsionet "Pothuajse gjithmone", qe i korrespondon notes 5, "Shpesh" qe i korrespondon notes 4, "Ndonjehere" qe i korrespondon notes 3, "Ne raste te rralla" qe i korrespondon notes 2 dhe "Kurre" qe i korrespondon notes 1. Duke ndjekur kete skeme, me pas vjen pyetja "Pedagogu perdor nje metode efektive vleresimi ne provimet, detyren e kursit dhe seminaret", "Pedagogu eshte i afte te shprehe idete dhe mendimet qarte, duke perdorur nje gjuhe te kuptueshme", "Pedagogu ka perdorur nje varietet materialesh dhe teknikash mesimdhenie (shembuj studimore, ushtrime eksperimentale, etj.)".
Komunikimi
Eshte nje element qe i kushtohet mjaft rendesi ne formular. Pervec metodave qe pedagogu perdor ne mesimdhenie, studenti pyetet edhe nese pedagogu i lendes komunikon mire, apo dobet, madje edhe si e klasifikojne studentet cilesine e mesimdhenies.
Kur plotesohet
Formulari do t'u shperndahet studenteve kryesisht para cdo provimi. Ata do ta plotesojne ate dhe te dhenat do te grumbullohen nga rektorati dhe fakultetet e Universitetit te Tiranes me qellim identifikimin e problematikave dhe marrjen e masave te nevojshme qe do te mundesojne zvogelimin e tyre.
Sekretarite, bibliotekat, departamentet
Infrastruktura, pjesa e trete e formularit
Sipas skemes se vleresimit "Pothuajse gjithmone", qe i korrespondon notes 5, "Shpesh" qe i korrespondon notes 4, "Ndonjehere" qe i korrespondon notes 3, "Ne raste te rralla" qe i korrespondon notes 2 dhe "Kurre" qe i korrespondon notes 1, studentet pyeten nese pedagogu ka perdorur te gjitha materialet didaktike ekzistuese te nevojshme per procesin e mesimdhenies. Me pas pyetja eshte nese mjediset e zhvillimit te mesimit jane te mira, nese biblioteka e fakultetit ka qene nje ndihme e mire per procesin e mesimdhenies, a ka qene sekretaria e departamentit e gatshme per te gjitha problemet e studenteve dhe nese ka qene e tille edhe sekretaria mesimore prane fakultetit. Ne fund te formularit lihen disa rreshta bosh qe studenti te beje komentet e tij, jashte pyetjeve qe gjenden ne te, duke shprehur cdo shqetesim qe kane.
