Studentet iu vene nota pedagogeve
E Marte, 02 Mars 2010
Universiteti i Tiranes ka pergatitur draftin e formes se vleresimit te pedagogeve nga studentet, praktike qe do te nise gjate semestrit te dyte te ketij viti akademik. Sikurse ishte paralajmeruar edhe nga rektori i Universitetit te Tiranes, prof. dr.Dhori Kule, formulari eshte derguar ne fakultete per te marre mendimin e pedagogeve dhe te studenteve. Me ane te kesaj forme vleresimi, studentet e Universitetit te Tiranes do te kene mundesi te vleresojne pedagoget e tyre, lendet si edhe infrastrukturen e departamenteve perkatese, cka do te mundesoje identifikimin e shpejte dhe real te problematikave qe ka Universiteti i Tiranes.
Drafti
Formulari per vleresimin e pedagogeve eshte tashme gati. I papersonalizuar, ai do t'u jape mundesi studenteve qe te shprehen lirshem mbi shqetesimet e tyre te sjella nga pedagoget, ose edhe nga stafi ndihmes si sekretaret, etj. Sipas burimeve zyrtare nga Universiteti i Tiranes, studentet do te kene mundesine t'u vene nota pedagogeve, te vleresojne lendet apo edhe infrastrukturen e departamenteve perkatese. Pas vendimit te senatit akademik per hartimin e kesaj forme vleresimi, ajo iu eshte shperndare te gjitha fakulteteve per mendim dhe duke marre parasysh verejtjet dhe sugjerimet e tyre eshte hartuar forma perfundimtare, qe me pas do t'u shperndahet serish fakulteteve per t'u perdorur gjate provimeve te fundit te semestrit te dyte te ketij viti akademik. Perpara cdo provimi, studentet do te plotesojne formularin duke vleresuar cdo pedagoge dhe cdo lende qe kane kryer, te dhena qe me pas do te grumbullohen nga rektorati dhe fakultetet e Universitetit te Tiranes me qellim identifikimin e problematikave dhe marrjen e masave te nevojshme qe do te mundesojne zvogelimin e tyre.
Formulari
Kerkesa e pare e formularit eshte qe studentet te klasifikojne progresin e tyre, ne lenden qe po japin provim. Per vleresimin "dobet", eshte parashikuar nje pike, per vleresimin "mjaftueshem" 2, per "mesatar" nota 3 per vleresimin "mire", nota 4, si dhe per vleresimin "shkelqyer", eshte parashikuar nota 6. kjo skeme vleresimi vlen per te gjitha pyetjet qe gjenden ne formular. Pyetja e dyte e formularit qe duhet plotesuar eshte "Permiresimi i te menduarit logjik dhe i aftesive per zgjidhjen e problemeve dhe marrjen e vendimeve", e cila gjithashtu vleresohet me note sipas skemes se siperpermendur. Pyetja pasardhese e formularit eshte per zhvillimin e aftesive per sistemimin e ideve dhe paraqitja e tyre ne materiale te shkruara dhe gojore. Ndersa ne kerkesen e katert kalohet direkt ne pyetjen se si mendojne studentet qe eshte shpjeguar lenda ne fjale. "Provimet, detyra e kursit dhe seminaret me lejuan mua te demonstroj njohurite qe kam mesuar ne kete lende", eshte pyetja tjeter qe shoqerohet me opsionet: Shkelqyer, mire, mesatar, mjaftueshem dhe dobet.
L.Ndoka
