Shfrytezuan lumenjte, mbyllen 21 subjekte

Sonila Isaku

Shfrytezimi i shtreterve te lumenjve, ne disa raste ka sjelle probleme te permbytjeve ne disa zona. Per shkak te ketyre, Ministria e Mjedisit ka ndermarre nje aksion per kontrollimin e te gjitha pikave te cilat perpunojne inertet ne tre lumenj pikerisht ne lumin Mat, Erzen dhe ate te Terkuzes. Kane qene plot 24 subjekte te kontrolluara nga te cilat 20 jane gjobitur dhe mbyllur, ndersa per kater te tjera eshte duke u verifikuar dokumentacioni i tyre.

Kontrollet

Permbytjet e muajit janar ne zonen e Shkodres kane detyruar Ministrine e Mjedisit te marre nje sere masash, per te gjitha ato subjekte te cilat punojne me shtreterit e lumenjve, pikerisht me perpunimin e inerteve. Vendimi i pare i ketij institucioni ka qene pezullimi i dhenies se lejeve dhe pak me vone, pezullimi i punes edhe per subjektet e licencuara. Nderkohe me kontrollet e kryera ditet e fundit jane marre edhe masat perkatese per shkelesit e ligjit. "Jane pezulluar 20 subjekte qe shfrytezonin inertet lumore pa leje mjedisore ne lumin Erzen, Mat dhe ate te Terkuzes. Pervec pezullimit te aktivitetit keto subjekte jane ndeshkuar edhe me gjoba, te cilat variojne nga 500 mije deri ne 2 milion leke" thuhet ne njoftimin per shtyp te Ministrise se Mjedisit. Aksioni i ketij institucioni ka ardhur pas dhenies se alarmit "SOS" se gjendja e lumenjve per shkak te shfrytezimit nga keto subjekte eshte drejt degradimit.

Lejet

Gjendja me alarmante paraqitet ne lumin Erzen, ku 14 subjektet ushtronin aktivitetin e tyre ne menyre te paligjshme, pasi nuk dispononin leje shfrytezimi. Ne kete lum autoriteti i ujit, kishte pezulluar dhenien e lejeve prej disa kohesh . "Nga kontrolli i ushtruar rezulton se 14 subjektet kane gjendje sasi te medha inertesh lumore dhe nuk kane bere cmontimin e makinerive. Si pasoje 9 prej subjekteve u gjobiten dhe iu eshte pezulluar aktiviteti ndersa 5 prej tyre iu eshte lene detyre te paraqesin faturat e blerjes per te vertetuar origjinen e materialit te inerteve lumore", thuhet ne njoftimin e kesaj ministrie. Po ashtu edhe ne lumin e Matit shfrytezimi i inerteve ne menyre te paligjshme vazhdon, per pasoje jane penalizuar 6 subjekte me mbyllje te aktivitetit dhe gjobe. Edhe ne lumin e Terkuzes jane kapur 4 subjekte te shfrytezimit te inerteve lumore, te cilave jo vetem qe iu pezullua aktiviteti por edhe u gjobiten me vleren maksimale.