Kolegji i Bashkuar pushon ceshtjen "Mediu"

Tirane- Gjykata e Larte ka pushuar dje per te dyten here ceshtjen penale ne ngarkim te ish-ministrit te Mbrojtjes, Fatmir Mediu. Gjate seances se djeshme gjyqesore, Kolegji i Bashkuar, me relator Andi Celikun dhe anetare Ardian Nuni, Irma Bala, Evgjeni Sinoimeri dhe Evelina Qirjako, sqaruan se nuk ka asnje prove qe fajeson Fatmir Mediun, per ngjarjen e 15 marsit, per kete arsye nuk eshte me vend kerkesa, per heqjen e imunitetit. Ne kete menyre gjykata vendosi qe te hedhe poshte, dosjen me 400 faqe te dorezuar nga Roxhers Durda 12-vjec dhe Alketa Azizaj, te cilet e akuzonin Mediun per vepren penale te "plagosjes se rende nga pakujdesia". Ne arsyetimin e saj, Gjykata e Larte sqaroi se "nga permbajtja e kerkeses per gjykim, akteve qe i bashkengjiten kerkeses dhe pretendimeve te mbrojtjes, kolegji vlereson se ne veprimet e mosveprimet e pretenduara nga te demtuarit akuzues, per Fatmir Mediun, nuk ekzistojne elemente te vepres penale te plagosjes se rende nga pakujdesia, parashikuar nga neni 91 i Kodit Penal. Ne keto rrethana Kolegji Penal i Gjykates se Larte, vlereson se nuk ndodhemi para rastit qe duhet t'i kerkohet autorizim per procedim penal Kuvendit te Republikes se Shqiperise, per kete veper penale". Ne baze te ketij vendimi te gjykates, nuk ka prova qe t'i kerkohet Kuvendit heqja e imunitetit, per Fatmir Mediun, aktualisht ne detyren e ministrit te Mjedisit. Vete ish-ministri i Mbrojtjes, Mediu nuk ishte prezent gjate seances gjyqesore, por u perfaqesua ne procesin gjyqesor nga dy mbrojtesit e tij Ardian Visha dhe Petrit Serjani. Gjate nje prononcimi per shtyp, mbrojtesi Visha deklaroi se "me kete vendim te Gjykates se Larte, cdo pretendim ndaj Mediut mund te konsiderohet i kote, pasi ceshtja eshte e mbyllur. Mund te kete serish kerkesa, por ceshtja u mbyll". Mbrojtesi ka pretenduar se ceshtja ne ngarkim te klientit te tij ka qene politike. Vendimi i marre nga ana e gjykata ka sjelle edhe reagimin e familjareve te viktimave te cilet kane pretenduar se "dosja eshte tamam si nje brum i gatuar keq nga prokuroria, qe ua serviri familjareve per te bere petulla". Zamira Durda qe humbi djalin 7-vjecar ne tragjedine e Gerdecit, tha se "vendimi i Gjykates se Larte ishte teresisht i padrejte. Por nuk ndalemi, do te vazhdojme betejen tone me drejtesine".