KiE: Opozita, ne Kuvend te marre pjese vazhdimisht

Asambleja Parlamentare e Keshillit te Evropes vleresoi dje rikthimin e opozites ne Kuvend dhe i sugjeron asaj, qe te vijoje debatin dhe diskutimet ne kete institucion. Presidenti i kesaj Asambleje, Mevlut Cavusoglu i cili nje jave me pare mori pjese ne negociatat mes partive politike ne zyren e Presidentit Bamir Topi, i beri thirrje dje forcave politike qe te punojne se bashku ne Parlament. "Dialogu parlamentar eshte i nje rendesie te vecante per funksionimin demokratik te institucioneve shteterore, dhe jetesor per reformat te cilat duhen trajtuar pa vonese", beri thirrje Presidenti i Asamblese. Sipas Cavusoglu, opozita duhet te siguroje nje pjesemarrje te vazhdueshme ne Kuvend. "Shpresoj me force qe ky hap pozitiv te mos mbetet ne nivelin e nje hapi te vetem, por te shenoje fillimin e nje pjesemarrjeje te vazhdueshme te te gjithe forcave politike ne punimet e Parlamentit", tha Cavusoglu pas rikthimit te deputeteve socialist ne Kuvend. Ai vleresoi gjithashtu se thyerja e bojkotit nga socialistet, erdhi menjehere pas vizites se delegacionit qe Keshilli i Evropes pati ne Shqiperi dhe pas takimeve mes lidereve politike per situaten kritike ne vend. "Jam i kenaqur nga ky zhvillim duke qene se rikthimi i opozites, vijon pas vizites se Komitetit Presidencial te AKPE-se ne vend, i cili synonte te mbeshteste procesin e zgjidhjes te situates aktuale politike dhe te asistonte Presidentin Topi, ne rolin e tij si ndermjetes dhe ne perpjekjet e tij per te rivendosur dialogun politik",-tha Presidenti. Ai inkurajoi lideret, si te partise Socialiste edhe asaj Demokratike, qe te bejne perpjekje te metejshme per te nxitur dhe fuqizuar dialogun politik ne vend. Ne kete kuader, me shpresen e rikthimit te normalitetit ne situaten politike ne Shqiperi, Cavusoglu shprehu besimin se se shpejti, vendi yne do te plotesoje edhe delegacionin zyrtar per ne Asamblene Parlamentare te Keshillit te Evropes. "Une besoj se delegacioni zyrtar i Parlamentit ne KiE, do te plotesohet se shpejti dhe qe anetaret e opozites do te marrin pjese aktivisht ne punimet e Asamblese Parlamentare", theksoi Presidenti i Asamblese. Nje jave me pare, Cavusoglu zhvilloi takime te ngjeshura me lideret e partive politike ne vend, duke keshilluar gjetjen e nje zgjidhjeje te menjehershme si dhe duke i sugjeruar opozites te ankohet ne Komisionin e Venecias per ceshtjet e saj. R.Rapushi