Kompania i pushon nga puna, shoferet hidhen ne proteste

PUKE- Pushimi nga puna i 10 shofereve te Uzines se Bakrit ne rrethin e Pukes ka shkaktuar nje revolte te vertete diten e djeshme ne zonen e Fushe-Arrezit. Kompanise turke "Ber Alb" i eshte dashur te perballet me protesten e ish-punonjesve te larguar nga detyra ne uzinen ku pasurohej bakri. Rreth ores 9:30 te dites se djeshme, drejtuesit e mjeteve qe ishin hequr nga puna jane hedhur ne proteste, duke vendosur kamionet e tyre ne mesin e rruges qe lidh lagjen "Nushaj" te qytetit, me fabriken. Revolta e ish-punonjesve ka tronditur perfaqesuesit e kompanise turke qe kane marre me koncesion fabriken e pasurimit te bakrit si dhe minierat e bakrit ne Munelle e Lak Rrosi, ne rrethin e Pukes. Te njoftuar per bllokimin e aktivitetit te firmes se huaj, forca te shumta policore u angazhuan per te vene situaten ne kontroll. Por, protesta e shofereve ka kaluar deri ne konfrontim fizik, pasi protestuesit nuk lejuan mjetet e firmes te kryenin transport mineralesh. Nisur nga situata e krijuar, punonjesit e kompanise turke u detyruan qe te stakonin agregatet e fabrikes se pasurimit te bakrit. Gjate protestes maratone, shoferet kerkuan rikthimin e tyre ne pune, duke argumentuar se fabrika eshte ngritur ne tokat e tyre. "Ne kemi harxhuar nga 50 mije euro per blerjen e kamioneve per transport bakri, kurse kompania na hedh ne rruge", u shpreh per mediat Nikoll Nikolli, nje prej shofereve te pushuar. Per te qetesuar situaten e krijuar eshte dashur dhe nderhyrja e shefit te Komisariatit te Policise se Pukes, Gjin Lesi, qe arriti te largoje protestuesit pas bisedimeve.