Furgoni ne gremine, 4 te zhdukur

Gramsh- Furgoni me pasagjere bie nga gremina ne lumin Devoll pas daljes nga rruga, kater persona figurojne te zhdukur. Ngjarja tragjike mendohet se ka ndodhur duke zbardhur dita e djeshme, kurse sinjalizimi eshte dhene vetem mengjesin e djeshem, pas interesimit te familjareve te te rinjve qe nuk pergjigjeshin ne celular. Nenprefektura e Gramshit ka ngritur menjehere nje shtab emergjence per kerkimet e trupave dhe mjetit, kurse ngjarja eshte raportuar se ka ndodhur ne aksin rural Mollegrabove-Gramsh, ne vendin e quajtur "Kthesa e Dobercanit". Nuk dihet ende shkaku i ketij aksidenti, por mendohet se erresira dhe rruga e demtuar mund te kene ndikuar ne kete ngjarje tragjike. Trupat e personave te deklaruar si te zhdukur ne rrjedhen e Devollit jane pasagjeret Dritan Balla, 38-vjec, Petrit Ahmeti, 20 vjec, Behar Senkollari,18 vjec dhe shoferi Elis Sogani, 32 vjec. Tre pasagjeret udhetonin nga Korca ne drejtim te fshatit malor te Gramshit. Mbreme ne oren 18:00 shtabi ka nderprere kerkimet ne lume si pasoje e erresires, kurse gjate dites mesohet se eshte gjetur vetem mjeti furgon, nje kilometer larg vendngjarjes. Rrjedha e fuqishme, shkembinjte dhe thellesia e ujit kane ndikuar se tepermi ne deshtimin e kerkimeve nga palombaret e RENEA-s, qe do rinisin zhytjet mengjesin e sotem.

Policia e Gramshit u vu ne dijeni per aksidentin rreth ores 09:00 te mengjesit te djeshem. Nje grup hetimor ka shkuar ne vendngjarje duke kerkuar pergjate rrjedhes dhe pas disa oresh eshte gjetur mjeti furgon me targa KO1893B, ne pronesi te Elis Soganit, qe bente gjithnje udhetime ne linjen Mollegrabove-Gramsh. Ne ndihme te grupit hetimor erdhen edhe zhytesit nga Tirana, te cilet kerkuan perreth zones ku u gjet edhe mjeti. Brenda furgonit nuk eshte gjetur asnje prej trupave, qe mendohet se i ka rrembyer rrjedha, por nuk konfirmohet asnje prej tyre si i vdekur, por te humbur. Sipas deshmive te familjareve, mjeti eshte nisur mbremjen e se shtunes nga fshati se bashku me kater te rinjte, njeri prej te cileve drejtuesi. Familjaret kane pritur kthimin e te afermve, por deri ne oret e mengjesit askush prej tyre nuk pergjigjej, duke nxitur nisjen e kerkimeve dhe njoftimin e policise vendore.

Zona dhe aksi rrugor ku ka ndodhur aksidenti cilesohet si nje prej me te veshtirave. Rruga kalon neper nje terren te rrezikshem, sidomos ne kushte te keqija atmosferike si keto te diteve te fundit. Pikerisht moti i lagesht ka ndikuar se tepermi ne daljen e mjetit nga rruga dhe renien e tij poshte ne lume. Askush nuk u ka ardhur ne ndihme udhetareve dhe drejtuesit, kurse thellesia e Devollit qe shkon deri ne 20 metra, ka rrembyer mjetin dhe trupat.

"Kerkimet do te behen deri ne gjetjen e trupave"

Nenprefekti i Gramshit, Shkelqim Hoxha, beri dje te ditur se furgoni i linjes Mollegrabove-Gramsh, me targa KO1893B, doli nga rruga prane lugines se Devollit. "Mjeti ka rene ne lume, ku me pas eshte rrembyer nga rrjedha. Furgoni u gjet 1 km larg vendit te aksidentit dhe dyshohet se ne te ndodheshin 4 persona", tha nenprefekti. Per shpetimin e kater personave shpresat jane te paketa, por deri ne gjetjen e trupave nuk mund te konfirmohet fati i tyre. "Kerkimet do te vijojne deri ne gjetjen e trupave dhe palombaret po kryejne zhytje ne Devoll", shpjegoi Hoxha. Ne vendngjarje ka shkuar edhe nje grup mjekesor. Sipas nenprefektit, terreni ku ka ndodhur aksidenti eshte shume i veshtire per kalim gjate oreve te dites dhe naten behet akoma me i rrezikshem. Hoxha njoftoi se aksidenti ka ndodhur oret e mbremjes se shtune, kurse autoritetet jane informuar vetem ne mengjes. Nderkohe qe kerkimet e policise po vazhdojne aktualisht ne lumin Devoll dhe pergjate gremines ku ka rene makina.

Te humburit:

Dritan Balla, 38-vjec, pasagjer

Petrit Ahmeti, 20 vjec, pasagjer

Behar Senkollari,18 vjec, pasagjer

Elis Sogani, 32 vjec, drejtues

Kerkimet

Shtabi i emergjencave te kerkim-shpetimit i ngritur ne Nenprefekturen e rrethit te Gramshit njoftoi se do te vijoje sot kerkimin e trupave te 4 te rinjve qe rane sot paradite ne lumin Devoll. Kerkimet ndaluan rreth ores 18:00 te mbremjes per shkak te erresires.