Rruget rurale, fond 180 milione USD kete vit
E Shtune, 27 Shkurt 2010
Gjate ketij viti ne dispozicion te ndertimit te rrugeve rurale do te vihet nje fond 180 milione USD, i cili do te administrohet nga Fondit Shqiptar i Zhvillimit. Financimi eshte shqyrtuar sot ne mbledhjen e Keshillit Drejtues te fondit, kryetari i se cilit eshte ministri i Shtetit, Genc Pollo. Behet fjale per nje hua te bute, qe vjen per qeverine shqiptare nga bankat zhvillimore te Evropes. Ministri Pollo, tha se kjo eshte huaja e dyte e siguruar, pas financimit te pare prej 107 milione dollaresh. Projekti per ndertimin e rrugeve rajonale dhe lokale ka nisur nga qeveria shqiptare ne vitin 2008 dhe pritet te perfundoje brenda 2013 me nje rezultante prej plot 1.500 kilometrash rruge te reja ne zonat me pak te zhvilluara te vendit, cka do te permiresoje cilesine e jetes se banoreve dhe do te nxise zhvillimin ekonomik ne keto rajone rurale. Projekti, i cili ka nje kosto totale prej rreth 400 milione dollaresh, ka gjetur perkrahjen nga 8 donatore. Ky projekt eshte nisme e qeverise shqiptare i mbeshtetur nga BB dhe qe po realizohet nga FSHZH. Ne fund te ketij projekti, i cili do te zgjase 5 vjet, parashikohet te ngrihet, jo vetem nje rrjet dytesor dhe komunal i permiresuar ne menyre rrenjesore, por edhe nje inventar i rifreskuar i te gjitha rrugeve rajonale duke mundesuar njohjen ne kohe reale te nevojave per investim dhe per mirembajtjen e tyre, cilesojne ekspertet. Sipas burimeve ne Ministrine e Transportit, kriteret kryesore per perzgjedhjen e projekteve per financim kane marre ne konsiderate, ndikimin e projektit ne zhvillimin social e ekonomik te zones, gjendja ekzistuese te rruges se propozuar, numrin e perfituesve, raportin financiar kosto/perfitim, etj.
