Provimet e lirimit, shpallen programet e reja orientuese

Te gjithe nxenesit e klasave te nenta qe do t'u nenshtrohen dy provimeve te lirimit, duhet te perqendrohen ne programet e meposhtme, te publikuara nga Instituti i Kurrikulave dhe Trajnimit. Behet fjale per programet orientuese te lendes se Matematikes dhe te Gjuhes Shqipe.

Gjuha Shqipe

Programi orientues per kete lende, synon te jape permbledhjen e njohurive kryesore qe zene peshen me te madhe gjate viteve te shkollimit. Sipas burimeve nga IKT, programi orientues eshte hartuar duke u mbeshtetur te programet e lendes se gjuhes shqipe, klasa II-IX, udhezimet dhe materialet e dhena nga MASH-i, mendimi i grupeve te interesit dhe takimi me stafin drejtues te IKT-se dhe specialiste te AVA-s. Ndersa kerkesat qe duhen marre parasysh per testin e provimit te gjuhes shqipe jane: Integrimi i gjuhes shqipe dhe leximit, pesha specifike e linjave, konceptet, njohurite dhe shprehite e linjave, fragmenti ose fragmentet e perzgjedhura mund te jene te llojit letrar ose joletrar, por nuk duhet te jene pjese perberese e alterteksteve. Ndersa fragmenti ose fragmentet e perzgjedhura duhet te jene detyrimisht ne pershtatje me moshen e nxenesve.

Matematika

Programi orientues per provimin e lirimit ne lenden e Matematikes, ka si qellim te orientoje punen e mesuesit, pergatitjen e nxenesve dhe hartuesit e testeve perfundimtare per provimin e lirimit ne mbarim te arsimit 9-vjecar nepermjet perqendrimit ne konceptet dhe shprehite kryesore te mesuara gjate viteve. Hartimi i ketij programi synon gjithashtu: te ndihmoje vleresimin per kurrikulin ekzistues, te pasqyroje rezultate te cilat do t'i sherbejne nxenesit per te perzgjedhur vazhdimin e shkollimit dhe t'u jape mesuesve informacionin e nevojshem per te permiresuar mesimdhenien. Hartimi i programit orientues eshte mbeshtetur ne kurrikulin e lendes se Matematikes te ciklit 9-vjecar. Kurrikuli i Matematikes ka synuar te zhvilloje nivelet e aftesive ne lidhje me njohjen dhe te kuptuarit e koncepteve matematike, formimin e shprehive nepermjet zbatimeve te thjeshta te tyre per nivelin me te ulet dhe nepermjet zbatimeve e interpretimeve ne situata me komplekse per nivelin me te larte. Programi orientues i matematikes bazohet ne parimin se te zoterosh njohuri matematike do te thote te jesh ne gjendje t'i zbatosh ato.



Minitestet

Gjate punes per pergatitjen e nxenesve per provimin e lirimit eshte e rendesishme qe, here pas here, mesuesi te zhvilloje testime te nxenesve te tij me teste qe mund t'i hartoje vete. Gjate hartimit te tyre duhet mbajtur parasysh pesha per cdo linje te permbajtjes si edhe perfshirja e kerkesave te tre niveleve te veshtiresise ne raportet 2:2:1 (duke filluar prej nivelit minimal). Ne pergatitjen per permbushjen e objektivave te ketij programi nxenesi do te perdore tekstet mesimore te lendes se matematikes te ciklit te mesem te ulet (klasa 6-9). Ai mund te perdore edhe tekste ndihmese apo materiale shtese qe sigurojne arritjen e objektivave te programit orientues.