Lojerat e fatit, shkaterrohen 200 makina
E Premte, 26 Shkurt 2010
Policia Tatimore ka ushtruar dje nje nga aksionet e saj me te ashpra ndaj biznesit te lojerave te fatit. Sipas burimeve zyrtare ne tatime, keto jane 200 makina te tjera elektronike te lojerave te fatit, te shkaterruara per shkak se nuk permbushin standardet e kerkuara me ligj. Makinerite kompjuterike jane bllokuar gjate diteve te fundit ne disa qytete te vendit nga ana e inspektoreve te Njesise se Mbikeqyrjes se Lojerave te Fatit. Drejtues te kesaj njesie konfirmojne se aksioni i nisur muaj me pare per formalizimin e tregut nepermjet certifikimit apo asgjesimit e makinerive elektronike jashte kritereve teknike, po vazhdon me sukses. Eliminimi i aparaturave kompjuterike te pa certifikuara jo vetem qe formalizon tregun e lojerave te fatit ne vend, por eshte edhe garanci per personat qe luajne ne to. Specialistet e Njesise Mbikeqyrese sqarojne se certifikimi i makinerive elektronike ka te beje me nje sere kushtesh teknike, te cilat mbi te gjitha i ofrojne lojtarit, mbrojtje maksimale ndaj cdo forme te abuzivizmit nga zoteruesi i makinerive. Biznesi i lojerave te fatit ndodhet ne qender te kontrolleve tatimore. Pasi eshte vleresuar se nje e katerta e ketij sektori, nuk paguan taksa. Ky lloj biznesi nuk ka pasur mbeshtetjen e qeverise, per shkak te problemeve sociale qe krijojne klientet e ketyre bizneseve.
