Termeti 4.5 balle "tund" kryeqytetin
E Premte, 26 Shkurt 2010
Tirana eshte lekundur nga nje termet prej 4.5 ballesh, mengjesin e djeshem. Sipas sizmologeve, ky termet konsiderohet i vogel se magnituta e tij, shenon 3.8 te shkalles Richter dhe 4.5 balle. "Epiqendra e ketij termeti eshte lokalizuar 11 kilometra ne verilindje te qytetit te Tiranes. Termeti eshte shoqeruara edhe nga rreth 4 pasgoditje, te cilat kane variuar me magnitude 2.3- 3 shkalla Rihter. Intensiteti i termetit ne epiqender eshte 4.5 balle. Ky termet eshte ndjere rreth 4 balle ne qytetin e Tiranes", tha sizmologu Rrapo Ormeni. Lekundjet jane shenuar ne oren 07.20 minuta te mengjesit te djeshem. Ne Tirane, termeti eshte ndjere me magnitude 4 balle, ndersa ne epiqender eshte ndjere me magnitude 4.5 balle te shkalles Rihter. Ormeni, ka nenvizuar se lekundjet perfshihen ne kategorine e termeteve te lehta, por ne Tirane banoret qe jetojne ne katet e fundit te pallateve te larta, jane frikesuar pasi i kane ndjere me shume lekundjet. Sipas tij, verilindja e Tiranes eshte nje zone ku aktivizohen shpesh termete por me nje shkalle te ulet qe nuk perben rrezik per banoret. Epiqendra e termetit ka qene ne nje zone te pabanuar dhe per momentin, nuk flitet as per deme materiale apo te lenduar.
