QSUT, parate e ekzaminimeve do perdoren per ilace
Sonila Isaku
E Hene, 15 Shkurt 2010
Sistemi i referimit ka sjelle tarifa te reja per te gjithe ata paciente te cilet nuk jane te perfshire ne skemen e sigurimeve. Sipas ketij sistemi te gjithe ata te semure te cilet shkojne te kryejne nje ekzaminim apo analiza laboratorike ne Qendren Spitalore Universitare "Nene Tereza" jane te detyruar te presin keto fatura per te marre sherbimin. E ndersa Ministria e Shendetesise ka percaktuar se cili eshte cmimi per cdo sherbim, drejtoria e QSUT-se ka percaktuar se ku do te shkojne parate te cilat do te grumbullohen nga keto sherbime.
Shperndarja
Drejtoria e QSUT-se duke u bazuar edhe ne ligj por edhe ne nje rregullore te brendshme ka vendosur qe keto te ardhura dytesore te cilat do te vilen nga ekzaminimet dhe analizat do te perdoren per investime ne infrastrukture, pajisje si dhe ne barna. Per sa u perket ketyre te fundit kete vit per here te pare do te kete nje menyre te re te furnizimit te pavijoneve me barna, sipas kerkesave qe ata kane. "Ne fillim te ketij viti, cdo pavijon ka marre nje formular ku do te plotesoje barnat baze qe i nevojiten si dhe nevojat me urgjente qe ka ne aparatura dhe ne investime. Kerkesat e tyre do te plotesohen me parate e grumbulluara nga buxheti i shteti por edhe nga te ardhurat dytesore" ka pohuar drejtori i QSUT-se, Ilir Dashi. Sipas tij, 30 per qind e ketyre te ardhurave do te shkojne per investime ne infrastrukture dhe 40 per qind per mallra, kryesisht per medikamente. Aktualisht, me keto te ardhura jane bere investime me nje kosto te konsiderueshme, pikerisht, blerja e llambes se nje skaneri i cili nuk funksiononte, shtrati i aparatures se kobaltit tek Spitali Onkologjik, dhe riparime ambientesh.
Rregullorja e re
Sipas rregullores se ketij viti, shefat e pavijoneve kane pasur per detyre te hartojne listen e medikamenteve me te rendesishme. Nderkohe, me te ardhurat dytesore do te perballohen kerkesat urgjente per medikamente dhe materiale mjekesore. Po keshtu ne projektet e Drejtorise se QSUT-se jane edhe nje sere investimesh ne infrastrukture. Per kete te fundit aktualisht eshte hartuar nje plan-veprimi i cili do te zbatohet si ne territoret e brendshme te pavijoneve ashtu edhe jashte spitaleve. "Kemi hartuar planin e veprimit te investimeve ne infrastrukture, me zbatimin e tij QSUT-se do ti jepet nje tjeter imazh ambientit spitalit, dhe funksionimi do te jete i rregullt duke perfshire ketu parkingje, ambiente te gjelberuara etj" ka nenvizuar Dashi. Sipas tij, ky plan-veprimi, do te nise te realizohet duke perdorur nje pjese te te ardhurave dytesore dhe buxhetin e parashikuar per kete vit.
QSUT, diagnozat me te shpeshta
Per vitin e kaluar ne QSUT 10 diagnozat me te shpeshta, te hasura gjate konsultave ne kete spital, renditen semundje si kanceri i gjirit, gastroenteriti, katarakti, perdja e syrit, diabeti, bronkopneumonia, problemet me gjakun, insuficience renale, astme, kanceri i lekures, tumoret, infarkti i miokardit, bajamet.
Konkretisht, qendra spitalore universitare, "Nene Tereza", per shkak te frekuentimit nga "te parregulltit", ata qe nuk kane libreza shendetesore dhe jane te detyruar te paguajne prane arkes se spitalit, ka perfituar nje shume te konsiderueshme parash, ose sic quhen ndryshe, ne gjuhen zyrtare, te ardhura dytesore. Te gjitha keto para do te shkojne per investime, shperblime, paga per mjeket, apo edhe rikonstruksione e rehabilitime. Brenda nje viti ka pasur rreth 28 mije paciente te shtruar ne Urgjence, nderkohe qe ne kete repart jane bere mbi 166 mije konsulta. Rreth 1 per qind e pacienteve kane gjetur vdekjen ne kete sherbim. Brenda dhjete muajve jane shtruar rreth 22 mije raste te ardhura nga rrethet, nderkohe qe jane kryer mbi 7 mije. Sipas te dhenave, jane kryer mbi 6 mije operacione vetem nga banoret e Tiranes.
