Kritere te reja per t'u bere profesor
E Enjte, 11 Shkurt 2010
Qeveria vendos ndryshimin e kritereve per kualifikimin e personelit akademik, sipas universiteteve
Keshilli i Ministrave ka vendosur ndryshimin e vendimit "Per percaktimin e kritereve dhe procedurave per kualifikimin shkencor pedagogjik te personelit akademik". Keshtu, sipas vendimit te djeshem, universitetet, qe kane te drejte te promovojne personelin akademik per titullin "Profesor", jane: Universiteti i Tiranes, Universiteti Politeknik i Tiranes, ai Bujqesor, Akademia e Arteve, Akademia e Kultures Fizike dhe Sporteve, si dhe qendrat kerkimore-shkencore, me status te krahasueshem me ate te nje universiteti. I njejti kriter ka qene edhe per profesoret e asociuar, por kjo ka ndryshuar, duke ia lene ne kompetence vete institucionit te arsimit te larte nje gje te tille.
Titujt
Sa i perket dhenies se titullit "Docent", kur flitet per kriterin e botimit te artikujve shkencore ose analiza shkencore, ndryshon numri i dhenies se koncerteve kur behet fjale per pedagoget e Akademise se Arteve. Keshtu, sipas vendimit te djeshem keto artikuj shkencore nuk duhen botuar nga personeli akademik i brendshem, i ftuar dhe me kontrate i Akademise se Arteve, krijues apo interpretues aktiv qe ka realizuar, se paku tri koncerte recitale-premiere ne veprimtari (festivale, sezone) nder te cilat, se paku 1 te jete realizuar jashte vendit, ne nje veprimtari nderkombetare, ku vepra te jete pranuar ne baze te nje vleresimi paraprak, te jete botuar ne axhendat perkatese dhe te jete shoqeruar me kritiken perkatese ne shtypin profesional". Nje ndryshim tjeter eshte se diploma "Docent" nenshkruhet nga dekani e rektori, dhe vuloset me vule te thate, pasi eshte regjistruar ne regjistrin e Ministrise se Arsimit dhe Shkences si dhe institucionin e arsimit te larte".
Promovimi
Sipas vendimit te djeshem, promovimi per titullin "Prof. Asoc." behet nga KP-te e fakulteteve te institucioneve te arsimit te larte publik (me tej universitetet), me kerkese te vete kandidatit/es. Kandidatet, qe punojne me kohe te plote, prane institucioneve te arsimit te larte, dorezojne dosjen tek dekani i fakultetit te tyre. Dekani ia kalon dosjen KP-se se fakultetit. Vendimi percakton gjithashtu se ne Keshillin e Profesoreve (KP) bejne pjese te gjithe profesoret me kohe te plote te fakultetit. Numri minimal i anetareve te KP-se eshte shtate veta, nga te cilet, se paku, pese jane "Profesore". Nje ose dy anetare te KP-se jane "Prof. Asoc.", te punesuar me kohe te plote, ne fakultetin ne fjale ose fakultete te tjera te universitetit, qe jane ne prag te promovimit per titullin "Profesor". Ne rast se numri i profesoreve te fakultetit eshte me i vogel se pese, per te arritur kete numer ne KP mund te thirren deri dy profesore, te ftuar nga fakultetet e tjera, brenda universitetit ose nga universitete e tjera brenda ose jashte vendit. Nje profesor e drejton KP-ne me rotacion, per nje vit akademik. Perberja dhe funksionimi i KP-se rregullohen ne perputhje me statutin dhe rregulloret e institucioneve te arsimit te larte.
Universitetet qe kane te drejte te promovojne personelin akademik per titujt "Profesor":
Universiteti i Tiranes;
Universiteti Politeknik i Tiranes;
Universiteti Bujqesor i Tiranes;
Akademia e Arteve te Bukura, Tirane;
Akademia e Kultures Fizike dhe Sporteve, Tirane;
Qendrat kerkimore-shkencore, me status te krahasueshem me ate te nje universiteti
